புனித தந்தை பியோ மன்றாட்டு மாலை
ஆண்டவரே இரக்கமாயிரும். கிறிஸ்துவே இரக்கமாயிரும். ஆண்டவரே இரக்கமாயிரும்.
கிறிஸ்துவே எங்கள் மன்றாட்டைக் கேட்டருளும். கிறிஸ்துவே எங்கள் மன்றாட்டை நன்றாகக் கேட்டருளும்.
விண்ணகத்தில் இருக்கிற தந்தையாம் இறைவா-
எங்கள் மேல் இரக்கமாயிரும்.
உலகத்தை மீட்ட திருமகனாம் இறைவர் - எங்கள் மேல் இரக்கமாயிரும்.
தூய ஆவியாகிய இறைவா - எங்கள் மேல் இரக்கமாயிரும்.
புனித மரியாயே....
எல்: எங்களுக்காக வேண்டிக்கொள்ளும்.
குடும்பங்களின் பாதுகாவலரான புனித் சூசையப்பரே...
புனித பிரான்சிஸ் அசிசியாரே ..
புனித தந்தை பியோவே...
பிரான்சிஸ்கன் சபையின் மணிமுடியாகிய புனித் தந்தை பியோவே...
பிரான்சிஸ்கன் சபையின் நன்மாதிரியான புனித தந்தை பியோவே....
புனிதர்களுள் புனிதராக விளங்கும் புனித தந்தை பியோவே...
பாவிகள் மனம் திரும்ப தன்னையே வருத்திக் கொண்ட புனித தந்தை பியோவே....
அன்னை மரியாளிடம் ஆழ்ந்த பக்தி கொண்ட புனித தந்தை பியோவே.
இயேசுவின் பாடுகளில் பங்கேற்று ஐந்து காயங்களைத் தன் உடலில் சுமந்த புனித தந்தை பியோவே...
புனித பிரான்சிஸ்குவின் அடிச்சுவட்டில் வாழ்ந்த புனித தந்தை பியோவே...
திருப்பலியில் உம்மையே பலியாக்கிய புனித தந்தை பியோவே...
ஒப்புரவு அருட்சாதனத்தை வழங்க பேரார்வம் கொண்ட புனித தந்தை பியோவே...
சில நாட்கள் திவ்விய நற்கருணையை மட்டுமே உணவாக கொண்டிருந்த புனித தந்தை பியோவே...
இறை பிரசன்னத்தில் அடிக்கடி பரவசமடைந்த புனித தந்தை பியோவே...
அனைவருக்கும் நல்ல ஆன்மீக ஆலோசகரான புனித தந்தை பியோவே...
தன்னை நாடிய உத்தரிக்கின்ற ஆன்மாக்களின் வேதனையைத் தணித்த புனித தந்தை பியோவே...
ஐந்து காயங்களிலிருந்து நறுமணம் பரப்பிய புனித தந்தை பியோவே...
சாத்தானின் சோதனைகளை வென்றவரான புனித தந்தை பியோவே...
ஒரே நேரத்தில் இரு இடங்களில் தோன்றும் வரம் பெற்ற புனித தந்தை பியோவே...
எதிர்காலத்தை முன்னறிவிக்கும் இறைவாக்கினரான புனித தந்தை பியோவே...
அடுத்தவர் அறியாமல் நடமாடும் ஆற்றல் பெற்ற புனித தந்தை பியோவே...
திராத நோய்களையும் குணமாக்கும் வல்லவரான புனித தந்தை பியோவே...
வயிற்றில் தோன்றிய கட்டியை அறுவை சிகிச்சை இல்லாமல் குணமாக்கிய புனித தந்தை பியோவே...
இறை ஞானத்தால் தண்ணீர்ப் பஞ்சத்தை நீக்கிய புனித தந்தை பியோவே...
பார்வை இழந்தோர்க்குப் பார்வை அளித்த புனித தந்தை பியோவே...
குழந்தைபேறு அற்றவர்க்குக் குழந்தை வரம் அளித்த புனித தந்தை பியோவே...
மருத்துவர்களால் கைவிடப்பட்ட சிறுவனைக் குணமாக்கிய புனித தந்தை பியோவே..
புற்றுநோயாளரை அற்புதமாக குணப்படுத்திய புனித தந்தை பியோவே...
பேய்களை நடுநடுங்கச் செய்தவரான புனித தந்தை பியோவே...
சுய நினைவு இழந்தவர்களை வல்லமையுள்ள செபத்தால் குணமாக்கிய புனித தந்தை பியோவே...
தீயவர்களை மனமாற்றிய புனித தந்தை பியோவே....
இயேசுவின் பிரசன்னத்தை எல்லோருக்கும் உணர்த்திய புனித தந்தை பியோவே...
இறை நம்பிக்கையற்றவர்களை மனம் திருப்பிய புனித தந்தை பியோவே....
தொழிலாளர் நலன் பேணிய புனித தந்தை பியோவே....
எல்லோருக்கும் எல்லாமும் ஆன புனித தந்தை பியோவே....
உலகின் பாவங்களைப் போக்கும் இறைவனின் செம்மறியே (3)
1. எங்கள் பாவங்களைப் பொறுத்தருளும்
2. எங்கள் மன்றாட்டைக் கேட்டருளும்.
3. எங்களைத் தயை செய்து மீட்டருளும்.
மன்றாடுவோமாக:
எங்கள் வானகத் தந்தையாகிய இறைவா! புனித தந்தை பியோவை மக்களின் புனிதராகவும், தேவைகளில் பரிந்து பேசுகிறவராகவும் உம் மக்களுக்கு அளித்தீரே! அதற்காக நாங்கள் உமக்கு கோடான கோடி நன்றி கூறுகிறோம். அவரது அருள் உதவியால் நாங்கள் கிறிஸ்தவ வாழ்வின் நெறிகளைக் கடைபிடிக்கவும். கடமைகளில் தவறாதிருக்கவும், கீழ்ப்படிதலில் சிறந்திருக்கவும் செய்தருளும். எங்களுக்கு நேரிடும் இன்னல்களில் எல்லாம் உமது ஆதரவைக் கண்டு உணரவும் செய்தருள்வீராக! எங்கள் ஆண்டவராகிய கிறிஸ்து வழியாக உம்மை மன்றாடுகிறோம். ஆமென்.
0 கருத்துகள்:
கருத்துரையிடுக