ஜெபமாலை சிறப்பு கவிதை
கண்களை மூடி, கரம் கூப்பி,
மௌனமாய் ஜெபிக்கும் வேளை,
மணிகள் விரலசைவில் ஆடிட,
மனமும் இறைவனோடு கலந்திடும்.
ஒவ்வொரு மணியும் ஒரு துளி கண்ணீர்,
கண்ணீரில் கரையும் கவலை,
ஒவ்வொரு ஜெபமும் ஒரு பூமாலை,
அன்னை மடியில் சூடி மகிழும்.
ஜெபமாலை சொல்லும் போது,
அமைதி உள்ளத்தில் மலரும்,
அன்பு பெருகும், கருணை விரியும்,
மனதின் பாரம் குறைந்து பறக்கும்.
கவலைகள் மறையும், நோய்கள் விலகும்,
துன்பம் தூர ஓடி மறையும்,
அன்னை அருள் மழை பொழியும்,
வாழ்வில் மகிழ்ச்சி பெருகிடும்.
ஜெபமாலை என்பது வெறும் மணிகள் அன்று,
அதுவே நம் அன்னையின் கரம்,
அதை இறுகப் பற்றிக் கொள்வோம்,
வாழ்வில் ஆனந்தம் பொங்கிடும்.
0 கருத்துகள்:
கருத்துரையிடுக