குடும்ப மன்றாட்டு (Family Prayer)
(குடும்பத்தில் அமைதி, மகிழ்ச்சி மற்றும் நோயுற்றோருக்கான சுகம் வேண்டிச் சொல்லும் ஜெபம்)
எங்கள் குலவிளக்காகிய இறைவா,
உமது வார்த்தையின் வல்லமைக்காக உம்மைப் போற்றுகிறோம். இன்று எங்கள் குடும்பத்தை உமது பாதத்தில் சமர்ப்பிக்கிறோம். எசாயா இறைவாக்கினர் கூறியதுபோல, எங்கள் குடும்பத்தில் உள்ள வறட்சியான சூழல் மாறி, செழிப்பான ஆசீர்வாதம் தங்கட்டும்.
ஆண்டவரே, எங்கள் குடும்பத்தில் யாரெல்லாம் உடல் நோயோடும், மனக் கவலையோடும் இருக்கிறார்களோ, அவர்களை உமது கருணைப் பார்னையால் நோக்கியருளும். "பார்வையற்றோர் பார்ப்பர், காது கேளாதோர் கேட்பர்" என்று வாக்களித்தவரே, எங்கள் குடும்பத்தில் உள்ள நோயாளிகளுக்குப் பரிபூரண சுகத்தைத் தாரும். நாங்கள் இழந்த உடல் நலத்தையும், மன அமைதியையும் மீட்டுத் தாரும்.
எங்கள் இல்லத்தில் இருக்கும் பொருளாதார நெருக்கடிகள், கடன் தொல்லைகள் மற்றும் பிரிவினைகள் என்னும் "பாலைநிலம்" மாறி, மகிழ்ச்சி என்னும் நீரூற்று சுரக்கச் செய்தருளும். எங்கள் குடும்ப உறுப்பினர்கள் ஒவ்வொருவரின் முகத்திலும், உள்ளத்திலும் என்றும் உள்ள மகிழ்ச்சி மலரட்டும். துன்பமும் துயரமும் எங்கள் வீட்டை விட்டு அகலட்டும்.
எங்களை விடுவித்துக்காக்கும் உமது கரம் என்றும் எங்களை வழிநடத்தட்டும்.
ஆமென்.
0 கருத்துகள்:
கருத்துரையிடுக